|
| EMBASSY OF THE UNITED STATES OF AMERICA |
| NEWS RELEASE |
|
1 AMERICAN AVENUE
YEREVAN, ARMENIA
TELEPHONE (+374 10) 464700
FAX (+374 10) 464742
E-MAIL: USINFO@USA.AM |
7 Մարտի, 2008
ԱՄՆ-ի պետքարտուղարի տեղակալի օգնական Մեթյու Բրայզայի այցը Հայաստան
Ս.թ. մարտի 7-8-ին Միացյալ Նահանգների պետքարտուղարի Եվրոպայի ու Եվրասիայի հարցերով տեղակալի օգնական Մեթյու Բրայզան այցելեց Հայաստան: Իր այցի ընթացքում նա հանդիպեց ՀՀ նախագահ Ռոբերտ Քոչարյանին, ՀՀ վարչապետ Սերժ Սարգսյանին, ՀՀ Արտաքին գործերի նախարար Վարդան Օսկանյանին, նախկին նախագահ Լևոն Տեր-Պետրոսյանին, ընդդիմադիր այլ քաղաքական առաջնորդների և քաղաքացիական հասարակության անդամների: Պրն.Բրայզան բոլոր կողմերին հանգստության ու բռնությունը վերջ տալու կոչեր արեց: Նա իր զրուցակիցներին հայտնեց, որ արտակարգ դրությունը պետք է ավարտվի և, որ լարվածությունը թուլացնելու լավագույն միջոցը բոլոր կողմերի միջև երկխոսությունն է: Նա նշեց, որ երկխոսությունը խրախուսելու համար անհրաժեշտ է հանել լրատվամիջոցների վրա դրված սահմանափակումները և վերականգնել մամուլի լիակատար ազատությունը: Պ-ն Բրայզան նաև ընդգծեց, որ ոստիկանությունն ու դատարանները մանրակրկիտ լինեն մարտի 1-ի և 2-ի հետ կապված հետաքննություններում, որպեսզի քաղաքական ընդդիմության հանդեպ հալածանքների տպավորություն չստեղծվի: Բրայզան նշեց, որ ԱՄՆ-ի հետ երկկողմ հարաբերությունները կախված կլինեն այն բանից, թե ինչ արագությամբ Հայաստանի իշխանությունները կկարողանան ժողովրդավարական ինստիտուցիոնալ դաշտ ձևավորել Հայաստանում: Նա շեշտեց Մինսկի խմբի համանախագահների պատրաստակամությունը Լեռնային Ղարաբաղի հարցի կարգավորման հիմնական սզբունքները ամբողջականացնելու հարցում:
|
